Kishilik hoquq közitish teshkilati bushni xitaygha kishilik hoquq mesiliside bésim ishlitishke chaqirdi


2006-04-10
Share

Amérikidiki kishilik hoquq közitish teshkilati düshenbe küni amérika prézidénti jorj W bushni xitayning kishilik hoquq mesiliside xitay rehberlirige bésim ishlitishke chaqirdi.

Fransiye agéntliqining xewer qilishiche, kishilik hoquq közitish teshkilatining asiya ishliri dériktori bred adams " hazir xitay rehberlirining bergen wedilirini emelge ashuridighan waqti yétip keldi" dédi.

Bred adams yene, xitay hökümitining xéli yillardin buyan "aldi bilen iqtisadiy islahat, andin siyasiy islahat qilimiz" dégenni tekitlep kelgenlikini, shunga kishilik hoquq depsendichilikliri éghirlishiwergiche, bushning choqum islahat waqtining yétip kelgenlikide ching turushi lazimliqini bildürdi.

Kishilik hoquq közitish teshkilati bu bayanatida asasliqi xitay dölet re'isi xu jintawning amérikigha qilidighan ziyaritini nezerde tutqan bolup, ular bushning bu pursettin paydilinip xu jintawgha kishilik hoquq mesiliside bésim ishlitishini kütmekte.

Kishilik hoquq közitish teshkilati yene, bushning xitay rehberliri bilen körüshkende otturigha qoyushqa tégishlik bolghan mesililerni 6 türge ayrighan. Ular diniy erkinlik, söz erkinliki, metbu'at erkinliki, edliye séstimisi we ten jazasi qatarliqlar. Mezkur teshkilat yene, xitay hökümitining siyasiy mehbuslarni qoyup bérishi kéreklikini tekitligen.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet