خىتاي ساقچىلىرى قارغۇ كىشىلىك ھوقۇق پائالىيەتچىسى چېنغا تەھدىت سالغان


2006-06-25
Share

مەجبۇرىي بالا ئالدۇرۇش ئەھۋاللىرىنى پاش قىلغانلىقى سەۋەبىدىن تۇتقۇن قىلىنغان قارغۇ كىشىلىك ھوقۇق پائالىيەتچىسى چېن گۇاڭچېن يېقىندا خىتاي ساقچىلىرى تەرىپىدىن تەھدىتكە ئۇچرىغان.

چېننىڭ ئادۋۇكاتى لىنىڭ رويتېرس ئاگېنتلىقىغا ئېيتىشىچە، بىر نەپەر ساقچى ئەمەلدارى چېنغا " تۈرمىدە ئادەمنىڭ ئۆلىشى ناھايىتى ئاسان. تېخى يېقىندا بىرسى ئۆلدى. ئەگەر سەن گۇناھىڭنى ئۈستۈڭگە ئالمىساڭ، بۇ يەردىن ساق چىقىپ كېتىمەن دەپ خام خىيال قىلما" دەپ تەھدىت ئىشلەتكەن.

چېن گۇاڭچېڭ مۇستەقىل كىشىلىك ھوقۇق پائالىيەتچىسى بولۇپ، ئۇ خىتاي دائىرىلىرىنىڭ مەجبۇرىي بالا ئالدۇرۇشقا مۇناسىۋەتلىك بىر قاتار ۋەقەلەرنى پاش قىلغانلىقى سەۋەبىدىن ئۆتكەن يىلى 9‏- ئايدىن باشلاپ خىتاي ساقچىلىرى تەرىپىدىن ئۆيدە نەزەربەتكە ئېلىنىپ، ئۆتكەن ھەپتە رەسمىي قولغا ئېلىنغان. خەلقئارا تەشكىلاتلار چېننىڭ ۋەزىيىتىگە يېقىندىن كۆڭۈل بۆلمەكتە.

چېننىڭ ئادۋۇكاتى لى، ساقچىلارنىڭ چېنغا يېتەرلىك تاماق بەرمەيۋاتقانلىقى ۋە ئۇنىڭغا تەھدىت سالغانلىقىدىن خەۋەردار بولغاندىن كېيىن، نۆۋەتتە ساقچىلار ئۈستىدىن بۇ ھەقتە ئەرز قىلىشنى پىلانلىماقتا. شۇنداقلا چېننىڭ ئايالى يولدىشىنىڭ سالامەتلىكىدىن ۋە ساقچىلارنىڭ ئۇنى قىيىناپ قېلىشىدىن ئەندىشە قىلماقتا. (پەرىدە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.