Xitay saqchiliri qarghu kishilik hoquq pa'aliyetchisi chén'gha tehdit salghan

Mejburiy bala aldurush ehwallirini pash qilghanliqi sewebidin tutqun qilin'ghan qarghu kishilik hoquq pa'aliyetchisi chén gu'angchén yéqinda xitay saqchiliri teripidin tehditke uchrighan.

Chénning adwukati lining roytérs agéntliqigha éytishiche, bir neper saqchi emeldari chén'gha " türmide ademning ölishi nahayiti asan. Téxi yéqinda birsi öldi. Eger sen gunahingni üstüngge almisang, bu yerdin saq chiqip kétimen dep xam xiyal qilma" dep tehdit ishletken.

Chén gu'angchéng musteqil kishilik hoquq pa'aliyetchisi bolup, u xitay da'irilirining mejburiy bala aldurushqa munasiwetlik bir qatar weqelerni pash qilghanliqi sewebidin ötken yili 9‏- aydin bashlap xitay saqchiliri teripidin öyde nezerbetke élinip, ötken hepte resmiy qolgha élin'ghan. Xelq'ara teshkilatlar chénning weziyitige yéqindin köngül bölmekte.

Chénning adwukati li, saqchilarning chén'gha yéterlik tamaq bermeywatqanliqi we uninggha tehdit salghanliqidin xewerdar bolghandin kéyin, nöwette saqchilar üstidin bu heqte erz qilishni pilanlimaqta. Shundaqla chénning ayali yoldishining salametlikidin we saqchilarning uni qiyinap qélishidin endishe qilmaqta. (Peride)