Jonggo kishilik hoquqi teshkilati xitayning qanunchiliqi keynige chékinmekte, dep eyiblidi

Merkizi nyu - yorktiki jonggo kishilik hoquq teshkilati doklat élan qilip, xitay da'irilirining kishilik hoquqni qoghdighuchi adwukatlargha zerbe bérish herikitini qanun jehettiki chékinish, dep eyiblidi.

Birleshme axbarat agéntliqining xewer qilishiche, doklatta jonggo kishilik hoquq teshkilati jonggo da'iriliri bezi adwokatlar üstidin yalghan dilolarni yasap chiqip ularni qolgha aldi we bu kishilerning kishilik hoquq pa'aliyiti bilen shughullunishini cheklidi, dep yazghan.

Mezkur teshkilatning eskertishiche, nazuk dilolargha chétilip qalghan bezi adwukatlar da'iriler teripidin awarichiliqqa uchrighan, qorqutulghan we tayaq yégen. Doklatta, "kespiy adwukatlargha zerbe béridighan bu heriketler kishilerni jonggo hökümitining qanun - tüzüm qurulushi toghrisida bergen wedisidin gumanlandurmaqta," deydu.

Jonggo kishilik hoquq teshkilatining eskertishiche, jonggo kishilik hoquq weziyitining nacharliship kétishi kompartiye ichidiki qattiq qollar guruhining herikiti bilen munasiwetlik iken. Doklatta, qattiq qollar guruhi puqralarni mejburi köchürüshke qarshi turghuchilar we yéza saylimini qollighuchilargha zerbe bermekte, dep körsetti. (Erkin)