Кишилик һоқуқ йиғиниға қатнишиш үчүн йолға чиққан хитай әйдиз паалийәтчисиниң аяли айродромда тосуп қелинди


2007-06-11
Share

Хитай мәхпий сақчилири хитай әйдиз паалийәтчиси ху җияниң аялини, чәтәлдә ечилидиған кишилик һоқуқ йиғиниға қатнишиш үчүн чегридин чиқиш алдида тосуп қалған вә униң чегридин чиқиш рәсмийәтлирини мусадирә қилған.

Мәлум болушичә, сақчилар ху җияниң аяли зең җинйәнни дөләт бихәтәрликигә тәһдит елип келиду дәп тосуп қалған.

Ху җияниң билдүрүшичә, униң аяли еғир аяқ болуп айродромда икки саәт тутуп турулғандин кейин қоюп берилгән. Ху җия мундақ дәйду: "пуқрачә кийингән мәхпий хадимлар келип, уни дөләт бихәтәрликигә тәһдит дәп, униң хитайдин айрилишиға йол қоймиған."

Ху җияниң билдүрүшичә, аяли зең дүшәнбә күни чүштин кийин қоюп берилгән. У йәнә мундақ дәйду: "әгәр биз явропада хитайниң кишилик һоқуқ дәпсәндичилики ашкарилайдиған болсақ, бу бәк чоң тәсир қозғиған болатти. Шуңа бу нөвәт хитай менила әмәс бәлки аялимниму бәк чиң тутиватиду."

Хитай 2008-йиллиқ бейҗиң олимпикидин бурун өз образини яхшилаш үчүн интайин көп күч сәрп қилип келиватқан болсиму, әмма кишилик һоқуқ тәшкилатлири олимпик йиғинидин пайдилинип, хитайдики кишилик һоқуқ әһвали вә дарфурдики кризис һәққидә дуня җамаәтчиликиниң диққитини қозғап келиватқан иди.(Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт