Kishilik hoquq yighinigha qatnishish üchün yolgha chiqqan xitay eydiz pa'aliyetchisining ayali ayrodromda tosup qélindi

Xitay mexpiy saqchiliri xitay eydiz pa'aliyetchisi xu jiyaning ayalini, chet'elde échilidighan kishilik hoquq yighinigha qatnishish üchün chégridin chiqish aldida tosup qalghan we uning chégridin chiqish resmiyetlirini musadire qilghan.

Melum bolushiche, saqchilar xu jiyaning ayali zéng jinyenni dölet bixeterlikige tehdit élip kélidu dep tosup qalghan.

Xu jiyaning bildürüshiche, uning ayali éghir ayaq bolup ayrodromda ikki sa'et tutup turulghandin kéyin qoyup bérilgen. Xu jiya mundaq deydu: "puqrache kiyin'gen mexpiy xadimlar kélip, uni dölet bixeterlikige tehdit dep, uning xitaydin ayrilishigha yol qoymighan."

Xu jiyaning bildürüshiche, ayali zéng düshenbe küni chüshtin kiyin qoyup bérilgen. U yene mundaq deydu: "eger biz yawropada xitayning kishilik hoquq depsendichiliki ashkarilaydighan bolsaq, bu bek chong tesir qozghighan bolatti. Shunga bu nöwet xitay ménila emes belki ayalimnimu bek ching tutiwatidu."

Xitay 2008-yilliq béyjing olimpikidin burun öz obrazini yaxshilash üchün intayin köp küch serp qilip kéliwatqan bolsimu, emma kishilik hoquq teshkilatliri olimpik yighinidin paydilinip, xitaydiki kishilik hoquq ehwali we darfurdiki krizis heqqide dunya jama'etchilikining diqqitini qozghap kéliwatqan idi.(Jüme)