Ch m t: olimpikke az qalghan bolsimu, xitay kishilik hoquqi ehwalida özgirish bolmidi

Xelq'ara chigrisiz muxbirlar teshkilati peyshenbe küni bayanat élan qilip, béyjing olimpik musabiqisi yétip kélishke az qalghan bolsimu, lékin xitay kishilik hoquqi xatiriside yaxshilinish bolmighanliqini, xitay hökümiti ichki mongghuliye, Uyghur ili we tibet qatarliq jaylarda dawamliq basturush siyasiti yüzgüziwatqanliqini eyiplidi.

Bayanatta yene, xitay da'irilirini türmidiki ichki monggholiyilik öktichi zat xadani qoyup bérishke chaqirdi. Xada ichki mongghuliye xelqining milliy hoquqini qoghdighuchi muxbirlardin bolup, u 1996 - yili " dölet mexpiyetlikini oghurlash we bölgünchilik" bilen eyiblep 15 yilliq qamaq jazasigha höküm qilin'ghan. Xelq'ara kechürüm teshkilati xadani mongghul medeniyitini qoghdap qélish üchün küresh qilghan " wizhdan mehbusi", dep atimaqta.

Chigrisiz muxbirlar teshkilati bayanatta yene mundaq deydu, " béyjing olimpik yighinining ' bir dunya, bir ghaye,' dégen shu'ari, étnik milletler hoquqini qoghdashtiki bir sinaqtur." Doklatta yene," da'irilerning ret qilishigha qarimay, ichki mongghuliye, Uyghur ili we tibet qatarliq ishghaliyet astidiki rayonlarda yerlik xelqning kishilik hoquqi üzliksiz depsendichilikke uchrimaqta," deydu.

Chigrisiz muxbirlar teshkilatining asiya - tinch okyan rayoni mes'uli bérosélning eskertishiche, "béyjing olimpik musabiqisigha bir yil qalghan bolsimu, lékin xitay hökümiti we béyjing olimpik musabiqisini teshkilligüchiler xelq'ara jem'iyetke bergen wedilirining köp qisimini ada qilmighan." Chigrisiz muxbirlar teshkilati bu bayanatni ichki mongghuliye aptonom rayoni qurulghanliqini 60 yilliqi munasiwiti bilen élan qildi. (Erkin)