Yéqindin buyan xitayning kishilik hoquq xatirisi, adettin tashqiri diqqetke sazawer bolmaqta

2007-12-20
Élxet
Pikir
Share
Print

Xelq'ara kishilik hoquq teshkilatliri hemde xitay ichidiki tenqidchilerning tekitlishiche, xitay olimpik tenheriket yighini harpisigha qeder kishilik hoquq xatiriside héchqandaq özgirish élip barmighan we xelq'ara jem'iyetke bergen wediside turmighan.

Olimpik qanunida éniq halda ؛ " millet, din, siyaset, jinsi we yaki bashqa bahanilarda bir döletke yaki bir shexske qarita herqandaq bir shekilde élip bérilghan kemsitish herikiti, olimpikqa eza bolush salahiyitige munasip kelmeydu". " Héchqandaq kemsitish yüz bermigen shara'itta, olimpik rohigha mas kélidighan tenterbiye pa'aliyiti arqiliq yashlarni terbiyilep, bu arqiliq, tinch we téximu güzel dunya berpa qilish üchün töhpe qoshush" dégen maddilar tekitlen'gen bolup, shunga nöwettiki xitayning kishilik hoquq ehwali xitayning ichi we sirtidiki közetküchiler we tenqidchilerning alahide diqqitini qozghimaqta.

Nurghunlighan tenqidchilerning bildürüshiche, xitay eyni waqitta béyjing olimpikini ötküzüsh heqqide xelq'ara jem'iyetke bergen wediside turmighan. Muhajirettiki Uyghur siyasiy pa'aliyetchiliri Uyghurlarning diniy hoquq, siyasiy hoquqi, bolupmu Uyghur ayallirining kemsitilish mesililirining xitay boyiche eng éghir derijide boluwatqanliqini, ularning hoquqlirining depsende qiliniwatqanliqini, shunga xitayning olimpik ötküzüsh salahiyitige hergiz munasip kelmeydighanliqini tekitlimekte.

Xitay téxi yéqindila bir qanche Uyghur siyasiy mehbuslirini ölüm jazasi bilen jazalighan idi.(Eqide)

Pikirler (0)
Share
Toluq bet