Xitayda yer ‏- mülük hoquqini qoghdighuchi türmide qiyin ‏- qistaqqa élin'ghan


2007-10-08
Share

Xitayda élip bérilidighan 2008- yilliq béyjing olimpikige qarshi imza toplash pa'aliyiti élip barghan xitay yer-mülük hoquqi terghibatchisi türmige tashlan'ghan we türmide bashqa jinayetchilerning exletlirini tazilashqa mejburlan'ghan.

Yer-mülük hoquqini qoghdash pa'aliyetchisi yang chünlin bu yil 6- ayda xéylungjyangda qolgha élin'ghan bolup, dölet hakimiyitini aghdurushqa urun'ghan dégen jinayetler bilen türmige tashlan'ghan idi.

8- Öktebir, mezkur yer-mülük hoquqini qoghdash pa'aliyetchisining singlisining birleshme agéntliqigha bildürgenlirige qarighanda, yang chünlin'ge artilghan jinayetler müjmel bolup, u türmide jinayitini iqrar qilishqa qistalghan.

Bu yil 52 yashqa kirgen yang eslide ishidin boshutulghan zawut ishchisi bolup, xéylongjyangdiki déhqanlarni hökümet tartiwalghan yerliri üchün heq telep qilishqa dewet qilghan. Uningdin bashqa yang yene, 10 ming kishi imza qoyghan " bizge olimpik emes, kishilik hoquq kérek" serlewhilik ochuq xet hazirlighan. Emma xetning kimge yollan'ghanliqi melum emes.

Yangning singlisi yang chunpingning birleshme agéntliqigha bildürüshiche, akisi türmide ikki qétim éghir qiyin ‏- qistaqqa uchrighan iken.

Qiyin- qistaqqa élish xitayda qanunsiz hésablinidighan bolsimu, emma xitay türmiliride iqrar qildurushta ishlitidighan charilerning biri.

Yangning délosini yéqindin közitip kéliwatqan xitaydiki kishilik hoquq ehwalini közitip turidighan teshkilat " xitay kishilik hoquq qoghdighuchiliri" ning bildürüshiche, yang türmide heqiqeten qiynashqa uchrighan iken. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet