Awstraliye bilen xitay otturisidiki söhbette kishilik hoquq mesilisi otturigha qoyuldi


2006.07.25

Awstraliye hökümiti seyshenbe küni xitay bilen élip barghan yilliq kishilik hoquq söhbitide, xitayda kishilik hoquqning izchil depsende qiliniwatqanliqini otturigha qoydi.

Awstraliye tashqi ishlar ömikining bashliqi déwid rtichi, xitay tashqi ishlar yardemchi ministiri jüy tyenkey bilen birlikte kanberada ötküzgen muxbirlarni kütiwélish yéghinida, söhbetler jeryanida xitay hökümitining, organlirini ishlitish üchün falunggong muritlirini öltürüwatqanliqi toghrisida chiqqan doklatlarni otturigha qoyghanliqini bildürdi. Déwid rtchi, biz bu xewerler heqqidiki özimizning qayghulirini otturigha qoyduq. Elwette bu mesile téxi ispatlanmidi. Shuning üchün söhbette bu mesilisini otturigha qoyiwatimiz, dédi.

Xitay tashqi ishlar yardemchi minstiri juy tiyenkey, falonggong muritlirining organlirini ishlitish toghrisida chiqqan xewerler asassiz , buni ispatlaydighan héchqandaq delil mewjut emes, dédi.

Xitay hökümiti 1999‏- yili falunggong teriqitini qanunsiz dep élan qilip, bu teriqetning pa'aliyetlirini chekligen bolsimu, lékin chet'ellerde yashawatqan falunggong muritliri hemde kishilik hoquq pa'aliyetchiliri, xitayning falunggong teriqitige qaratqan basturush herikitige qarshi pa'aliyetlirini dawamlashturmaqta.

Xitay awstraliyining dunyadiki ikkinchi chong soda shiriki hésablinidu. Ötken yili awstraliyining xitaygha minéral iksporti ikki hesse köpeygen. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.