ئۇيغۇر ۋە تىبەت پائالىيەتچىلىرى خىتاينى ئۇلىمپىك تەنھەرىكەت يىغىنىغىچە كىشىلىك ھۇقۇق خاتىرىسىنى ياخشىلاشقا چاقىردى

ئۆتكەن شەنبە كۈنى , گىرىتسىيىنىڭ پايتەختى ئاتىنادا ئۇلىمپىك تەنھەرىكەت يىغىنى ئۆتكۈزىلىۋاتقان كۈنلەردە گىرمانىيىنىڭ ئاساسى قانۇن مەھكىمىسى جايلاشقان كارلسرۇھە شەھىرىدە , خەلقئارا كىشىلىك ھۇقۇق تەشكىلاتىنىڭ ئورۇنلاشتۇرۇشى بىلەن 2008 - يىلى بيجىڭدا ئۆتكۈزۈلىدىغان ئۆلىمپىك تەھەرىكەت يىغىنىنىڭ پاكىز ۋە ئىنسانى ئۆتكۈزۈلىشى ئۈچۈن كۈرەش قىلايلى دىگەن تىمىدا مەخسۇس پائالىيەت ئۆتكۈزۈلگەن .

بۇ قىتمقى پائالىيەتكە تىبەت , فالوڭ گوڭ , گىرمانىيەدىكى كىشىلىك ھۇقۇق تەشكىلاتلىرىنىڭ ۋەكىللىرىدىن باشقا گىرمانىيە دىكى ئۇيغۇر تەشكىلاتلىرىنىڭ ۋەكىللىرىمۇ قاتناشتى .

كارلسرۇھە شەھەرلىك ھۆكۈمەتنىڭ ئالدىدىكى مەيداندا ئېلىپ بىرىلغان پائالىيەتتە, خەلقئارا كىشىلىك ھۇقۇق تەشكىلاتىنىڭ مەسئۇللىرى , كارلسرۇھە شەھەرلىك ھۆكۈمەتنىڭ مەسئۇللىرى , تىبەت , شەرقى تۈركستان ۋە فالوڭ گوڭ تەشكىلاتىنىڭ ۋەكىللىرى ۋە گىرمانىيە پارلامىنتىنىڭ ئەزالىرى مەيداندىكى 1000 دىن ئارتۇق ئاممىگە سۆز قىلىپ , خىتاي ھۆكۈمىتىنىڭ شەرقى تۈركستان ۋە تىبەت قاتارلىق رايونلارغا قاراتقان كىشىلىك ھۇقۇق تاجاۋۇزچىلىق قىلمىشلىرىنى قاتتىق ئەيپلەش بىلەن بىرگە, خىتاي ھۆكۈمىتىنى 2008 - يىلى ئۇلىمپىك تەنھەرىكەت يىغىنى ئىچىلغانغا قەدەر , كىشىلىك ھۇقۇق مەسىلسى جەھەتتە كۆرۈنەرلىك ئىلگىرىلەش ھاسىل قىلىپ , ئۇلىمپىك روھىغا ھەقىقى يوسۇندا ھۆرمەت قىلىشقا چاقىردى . (قانات)