كىشىلىك ھوقۇقنى كۆزىتىش تەشكىلاتى خىتاي دائىرىلىرىنى تەنقىد قىلدى


2005.12.08

كىشىلىك ھوقۇقنى كۆزىتىش تەشكىلاتى پەيشەنبە كۈنى دوكلات ئېلان قىلىپ، يەرلىك ھۆكۈمەت دائىرىلىرى ئۈستىدىن بېيجىڭغا ئەرز قىلىپ بارغان ئەرز - شىكايەتچىلەرنىڭ خىتاي ھۆكۈمىتى تەرىپىدىن ئۇرۇش، قورقۇتۇش ۋە گۆرۈگە ئېلىش قاتارلىق ئۇسۇللار بىلەن دەپسەندە قىلىنغانلىقىنى ئىلگىرى سۈردى.

كىشىلىك ھوقۇقنى كۆزىتىش تەشكىلاتىنىڭ تەكىتلىشىچە، خىتاي ھۆكۈمىتى بۇ يىلنىڭ باشلىرى ئەرز - شىكايەت قانۇنىنى ئۆزگەرتكەن بولسىمۇ، ئەمما يېڭى قانۇندا ئەمەلدارلارنىڭ ئەرز- شىكايەتچىلەرگە ئىغۋاگەرچىلىك قىلىش ۋە ئۇلارنى كەمسىتىش قىلمىشلىرىغا چەكلىمە قويۇلمىغان. دوكلاتتا ئەسكەرتىشىچە، ئەرز - شىكايەت قىلغان پۇقرالار ھۇجۇمغا ئۇچرىماقتا، تاياق يېمەكتە ۋە قورقۇتۇلماقتا ئىكەن.

دوكلاتتا، ئەرز- شىكايەتچىلەرگە ياردەم قىلغان كىشىلەرنىڭمۇ ئوخشاش تەقدىرگە دۇچ كېلىۋاتقانلىقىنى تەكىتلىگەن. كىشىلىك ھوقۇقنى كۆزىتىش تەشكىلاتىنىڭ ئەسكەرتىشىچە، بېيجىڭغا ئەرز قىلىپ بارغان پۇقرالارنىڭ ئەرز- شىكايەت قىلىش سەۋەبلىرى ھەرخىل بولۇپ، بۇ ساقچىلارنىڭ زوراۋانلىقى، يەر- مۈلك ھوقۇقىنىڭ تاجاۋۇزغا ئۇچرىغانلىقى قاتارلىق دىلولارنى ئۆز ئىچىگە ئالىدۇ.

كىشىلىك ھوقۇقنى كۆزىتىش تەشكىلاتىنىڭ ئىستاتىستىكا قىلىشىچە، ئۆتكەن يىلى بېيجىڭ دائىرىلىرىگە 10 مىليون پارچە ئەرز شىكايەت خېتى يېزىلغان بولۇپ، ئەرز - شىكايەتچىلەرنىڭ كۆپ قىسىمى دېھقانلار ئىكەن. (ئەركىن)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.