Kishilik hoquqni közitish teshkilati xitay da'irilirini tenqid qildi

Kishilik hoquqni közitish teshkilati peyshenbe küni doklat élan qilip, yerlik hökümet da'iriliri üstidin béyjinggha erz qilip barghan erz - shikayetchilerning xitay hökümiti teripidin urush, qorqutush we görüge élish qatarliq usullar bilen depsende qilin'ghanliqini ilgiri sürdi.

Kishilik hoquqni közitish teshkilatining tekitlishiche, xitay hökümiti bu yilning bashliri erz - shikayet qanunini özgertken bolsimu, emma yéngi qanunda emeldarlarning erz- shikayetchilerge ighwagerchilik qilish we ularni kemsitish qilmishlirigha cheklime qoyulmighan. Doklatta eskertishiche, erz - shikayet qilghan puqralar hujumgha uchrimaqta, tayaq yémekte we qorqutulmaqta iken.

Doklatta, erz- shikayetchilerge yardem qilghan kishilerningmu oxshash teqdirge duch kéliwatqanliqini tekitligen. Kishilik hoquqni közitish teshkilatining eskertishiche, béyjinggha erz qilip barghan puqralarning erz- shikayet qilish sewebliri herxil bolup, bu saqchilarning zorawanliqi, yer- mülk hoquqining tajawuzgha uchrighanliqi qatarliq dilolarni öz ichige alidu.

Kishilik hoquqni közitish teshkilatining istatistika qilishiche, ötken yili béyjing da'irilirige 10 milyon parche erz shikayet xéti yézilghan bolup, erz - shikayetchilerning köp qisimi déhqanlar iken. (Erkin)