تەيۋەندە يېڭىدىن نەشر قىلىنغان دەرسلىك كىتابلارنى خىتاي ھۆكۈمىتى رەت قىلغاندىن كېيىن باشلانغان مۇنازىرە داۋاملاشماقتا


2007-01-31
Share

رويترس ئاگېتلىىنىڭ 1 ‏- ئاينىڭ 31 ‏- كۈنى بېيجىڭدىن خەۋەر قىلىشىچە، خىتاي ھۆكۈمىتى تەيۋەندە نەشر قىلىنغان دەرسلىك كىتابلاردا 'دۆلەت' ، 'دۆلەت ئاتىسى سۈن جۇڭسەن' ۋە تارىختىكى 'ھۇنلار ' توغرىسىدىكى ئاتالغۇلارنىڭ بۇرۇنقى تەبىرىنى ئەمەلدىن قالدۇرغانلىقىغا قارىتا داۋاملىق رەددىيە بەرمەكتە.

ب ب س نىڭ مۇنازىرە بېتىدە تەيۋەندىن يېزىلغان بىر ئوبزوردا "جاڭ كەيشى سۈن جۇڭسەننىڭ 'سەنمىنجۇيى' مەسلىكى بىلەن كوممۇنىزم نەزىرىيىسىنى ئارىلاشتۇرۇپ، گېزىت-ژۇرنال، كىنو، تىياتىر، ناخشا، تېلىۋىزىيە، ھەتتا پۇلغا سۈرىتىنى بېسىش ئارقىلىق توختىماي تەشۋىقات ئېلىپ بېرىپ، تەيۋەندە سۈن جۇڭسەننى ئىلاھلاشتۇردى. جاڭ كەيشى ئۈزىنى بولسا ئۇنىڭ ئىز باسارى دەپ كۆرسەتتى. ئەمەلىيەتتە سۈن جۇڭسەن ھايات ۋاقتىدا تەيۋەننى 4 قېتىملا زىيارەت قىلغان، ئەمما تەيۋەندە تۇرمىغان. تەيۋەن خەلقى ئۇنىڭ مەسلىكىنى چۈشەنمىگەن. جاڭ كەيشى بولسا سۈن جۇڭسەندىن يۈز ئۆرىگەن مەخلۇق. ئۇ 1949 ‏- يىلى كوممۇنىستىك پارتىيىنىڭ قاقشاتقۇچ زەربىسىگە ئۇچرىغاندىن كېيىن تەيۋەنگە كېلىۋالغان. شۇنىڭدىن كېيىن تەيۋەن خەلقى جاڭ كەيشىگە ۋە گومىنداڭغا نەپرەتلىنىپ كەلمەكتە" دەپ بايان قىلىنغان. (ۋەلى)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت