Xitay ölkiliride kömürge bolghan éhtiyaj ashmaqta


2005.01.26

Nöwette xitay ölkiliride kömür yétishmeslik ehwali barghanséri éghirlap, kömürge bolghan omumiy éhtiyaj, kömür ishlepchiqirish iqtidaridin 80 milyon tonna éship ketken.

Uyghur élide chiqidighan "tengritagh tori" charshenbe künidiki xewiride, xitayning kömürge bolghan éhtiyaji qanmaywatqan peytte, Uyghur élidiki kömürlerni tömür yol arqiliq mangghuzush iqtidarining yéterlik bolmaywatqanliqini otturigha qoyghan.

Xewerde yene, hazir Uyghur élidiki chong tiptiki kömür karxanilirining ishlepchiqirish miqdarining bazar éhtiyajidin éship kétiwatqanliqi, shu seweptin nöwette Uyghur élidiki kömürlerni xitay ölkilirige tömür yol arqiliq toshush sür'itini derhal tézlitish kérekliki körsitilgen.

Xewerde melum bolushiche, xitay ölkiliride her tonna kömürning bahasi 200 yu'en'ge yetken, emma Uyghur élide bolsa, her tonnisi aran 80 yu'en kélidiken. Amérika may'emi uniwérsitétining proféssori, xitayning gheribni échish siyasitini yéqindin közitip kéliwatqan doktor jun jéyér xanim, özining xitay we Uyghur élige qilghan ziyaritige asasen, Uyghur élidiki bayliqlardin yerlik xelqlerning héchqandaq paydigha érishelmeywatqanliqini, buningdin xitaylar we xitayning ölkiliri köp menpe'et éliwatqanliqini bildürdi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.