Хитайдики көмүр кан һадисилиридә алтә һәптә ичидә 700 ичи өлди
2005.08.15
Хитай дөләтлик бихәтәр ишләпчиқириш идариси, хитайдики көмүр канларда өткән алтә һәптә ичидә йүз бәргән вәқәләрдила 700 әтрапида ишчи өлгәнликини билдүрди.
Дүшәнбә күни, хитай дөләтлик бихәтәр ишләпчиқириш идариси тәрипидин елан қилинған бир доклатта, июл буян хитайдики көмүр канларда 218 қетим һадисә йүз бәргәнлики, бу һадисиләрдә 693 ишчиниң өлгәнлики вәя из-дерәксиз йоқап кәткәнлики билдүрүлгән.
Роетрис агентлиқиниң хәвәр қилишичә, гәрчә қутқузуш паалийәтлири үзлүксиз давамлишиватқан болсиму, әмма өткән һәптә гваңдоң өлкисидики бир көмүр канда су астида қамилип қалған 122 кан ишчиси һелиму су астида турмақта. Хәвәрләргә қариғанда, қутқузуш хадимлири техи канға кириватқан суниң мәнбәсини ениқлиялмиған.
Хәвәрдә билдүрүлүшичә, гәрчә хитай һөкүмити көмүр канлардики һадисиләрниң алдини елиш, бихәтәрликни яхшилаш үчүн 3 милярд юән пул аҗратқанлиқини елан қилған болсиму, әмма көмүр канлардики өлүм вәқәлириниң алдини алалмиған. Дегәндәк, 2005 - йилиниң биринчи алтә ейида хитайдики көмүр канларда мәйданға кәлгән һадисиләрдә 2700 киши өлгән. (Қанат)
Мунасивәтлик мақалилар
- Чәй зуңго хитайдики көмүр кан мәсилиси һәққидә тохталди
- Хитайда оттуриға чиққан сирлиқ кесәлликтә өлгәнгәнлар сани 24 гә йәтти
- Хитайда тәбиий апәтләр түпәйлидин өлгәнләр сани күндин - күнгә көпәймәктә
- "Төт кишилик гуруһ" ниң бири җаң чүнчяв өлгән
- Хитайда йүз бәргән көмүр кан вәқәсидә өлгәнләр 200 дин ашти