Xitaydiki kömür kan hadisiliride alte hepte ichide 700 ichi öldi

Xitay döletlik bixeter ishlepchiqirish idarisi, xitaydiki kömür kanlarda ötken alte hepte ichide yüz bergen weqelerdila 700 etrapida ishchi ölgenlikini bildürdi.

Düshenbe küni, xitay döletlik bixeter ishlepchiqirish idarisi teripidin élan qilin'ghan bir doklatta, iyul buyan xitaydiki kömür kanlarda 218 qétim hadise yüz bergenliki, bu hadisilerde 693 ishchining ölgenliki weya iz-déreksiz yoqap ketkenliki bildürülgen.

Ro'étris agéntliqining xewer qilishiche, gerche qutquzush pa'aliyetliri üzlüksiz dawamlishiwatqan bolsimu, emma ötken hepte gwangdong ölkisidiki bir kömür kanda su astida qamilip qalghan 122 kan ishchisi hélimu su astida turmaqta. Xewerlerge qarighanda, qutquzush xadimliri téxi kan'gha kiriwatqan suning menbesini éniqliyalmighan.

Xewerde bildürülüshiche, gerche xitay hökümiti kömür kanlardiki hadisilerning aldini élish, bixeterlikni yaxshilash üchün 3 milyard yu'en pul ajratqanliqini élan qilghan bolsimu, emma kömür kanlardiki ölüm weqelirining aldini alalmighan. Dégendek, 2005 - yilining birinchi alte éyida xitaydiki kömür kanlarda meydan'gha kelgen hadisilerde 2700 kishi ölgen. (Qanat)