Xitayda , künige 13 adem kömür kan hadisiside ölidu


2007.12.31

Xitayning sherqiy shimalida kan örülüsh weqesi yüz bérip 19 adem kan astida qélip qaza qilghan bolup, xitay axbarat wasitilirining xewer qilishiche, bu yil ichide xitayda yüz bergen eng yéngi kan örülüsh hadisisi iken.

Shinxu'a agéntliqining xewer qilishiche, 29- chésla shenbe küni xéylungjyang ölkisi mudenjyang shehirige jaylashqan shünfa kömür kanida partlash yüz bérip, kömür kan diwari örülüp chüshken we ikki kün dawamlashqan qutquzush herikiti dawamida 19 ishchining jesiti bayqalghan.

Melum bolushiche bu kömür kan shexsiyler igidarchiliqidiki kan bolup, partlash yüz bergende 21 adem quduq astida xizmet qiliwatqan iken.

Xitayda 5 milyondin artuq kömür kan ishchisi bar bolup , bular dunya buyiche eng xeterlik kan quduqlirida meshghulat qilidu.

Xitay kömür kan quduqlirida yüz bérip turidighan ot kétish, su bésip kétish, partlash qatarliq hadisiler her yili nechche minglighan ademlerning jénigha zamin bolup kelmekte.

Xitay hökümet tarmaqlirining xewer qilishiche, 2006- yilida pütün xitay miqyasida kömür kan hadisiside ölgen adem sani 4750 bolup, künige ottura hésab bilen 13 ademdin toghra kélidiken.

Téxi bu ayning béshidila shenshi ölkiside yüz bergen kömürkan partlash hadisiside 510 adem ölgen idi. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.