Лондон шәһәр башлиқиниң бейҗиңда қилған сөзлири тәнқидкә учриди

Бейҗиңни зиярәт қилған лондон шәһәр башлиқи левинстонниң тйәнәнмин вәқәси вә хитай кишилик һоқуқи хатириси һәққидә қилған сөзлири әнгилийә мәтбуатлириниң тәнқидигә учриди.

Әнгилийә " гвардиан " гезитиниң хәвәрқилишичә, ливинстон бейҗиң шәһәр башлиқи ваң чишән билән бейҗиң - лондон ача - сиңил шәһәр келишими имзалаш мурасимида, әнгилийиниң 1989 - йили тйәнәнмин вәқәси бастурулғанлиқини тәнқид қилиш һоқуқи йоқлиқини билдүргән. Униң бу сөзи кишилик һоқуқ тәшкилатлирини вә тйәнәнмин вәқәси аилә - тавабатлирини әпсусландурди. " Гвардиан " гезитиниң хәвиридә әскәртилишичә, " мән бу йәргә буниңдин 20 йил бурун йүз бәргән бир сиясий вәқәни музакирә қилиш үчүн кәлмидим " дәп тәкитлигән ливинстон, " әгәр бейҗиң шәһәр башлиқи бизгә һиндистан вә африқидики мустәмликә хатиримизни сориса, мән немә, дәп җаваб беришим керәк ? " дәйду.

Ливинстонниң қаришичә, ғәрб дөләтлири 1989 - йилдики қирғинчилиққа есиливалмаслиқи лазим. Лекин ливинстонниң сөзлири тйәнәнмин вәқәси аилә - тавабатлирини әпсусландурди. Тйәнәнмин анилар җәмийитидики диң зилин, ливинстонниң сөзлирини әнгилийидәк демократик бир дөләткә хиянәт қилғанлиқ, дәп әйиблигән. Әнгилийидә чиқидиған " тамиз" гезити лондон шәһәр башлиқини тәнқид қилип," ливинистон 1990 - йили лондонда йүз бәргән намайиш билән 1989 - йили тйәнәнминдә йүз бәргән қирғинчилиқни арилаштурвалмаслиқи керәк. Чүнки лондондики намайишта бирму адәм өлмиди, лекин тйәнәнмин вәқәсидә 3000 дәк адәм һаятидин айрилди, дәйду.