London sheher bashliqining béyjingda qilghan sözliri tenqidke uchridi


2006-04-11
Share

Béyjingni ziyaret qilghan london sheher bashliqi léwinstonning tyen'enmin weqesi we xitay kishilik hoquqi xatirisi heqqide qilghan sözliri en'giliye metbu'atlirining tenqidige uchridi.

En'giliye " gwardi'an " gézitining xewerqilishiche, liwinston béyjing sheher bashliqi wang chishen bilen béyjing - london acha - singil sheher kélishimi imzalash murasimida, en'giliyining 1989 - yili tyen'enmin weqesi basturulghanliqini tenqid qilish hoquqi yoqliqini bildürgen. Uning bu sözi kishilik hoquq teshkilatlirini we tyen'enmin weqesi a'ile - tawabatlirini epsuslandurdi. " Gwardi'an " gézitining xewiride eskertilishiche, " men bu yerge buningdin 20 yil burun yüz bergen bir siyasiy weqeni muzakire qilish üchün kelmidim " dep tekitligen liwinston, " eger béyjing sheher bashliqi bizge hindistan we afriqidiki mustemlike xatirimizni sorisa, men néme, dep jawab bérishim kérek ? " deydu.

Liwinstonning qarishiche, gherb döletliri 1989 - yildiki qirghinchiliqqa ésiliwalmasliqi lazim. Lékin liwinstonning sözliri tyen'enmin weqesi a'ile - tawabatlirini epsuslandurdi. Tyen'enmin anilar jem'iyitidiki ding zilin, liwinstonning sözlirini en'giliyidek démokratik bir döletke xiyanet qilghanliq, dep eyibligen. En'giliyide chiqidighan " tamiz" géziti london sheher bashliqini tenqid qilip," liwiniston 1990 - yili londonda yüz bergen namayish bilen 1989 - yili tyen'enminde yüz bergen qirghinchiliqni arilashturwalmasliqi kérek. Chünki londondiki namayishta birmu adem ölmidi, lékin tyen'enmin weqeside 3000 dek adem hayatidin ayrildi, deydu.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet