Xitayda ishlen'gen mehsulatlarning 5 den bir qisimining ölchemge toshmaydighanliqi bayqaldi
Xitayda süpet tekshürüsh tarmaqliri xitayda ishlen'gen mehsulatlarning 5 den bir qisimining ölchemge toshmaydighanliqini ashkarilighan bolup, mezkur mehsulatlarda zeherlik maddilar bayqalghan.
Roytérs agéntliqining xitay hökümet tor bétide élan qilin'ghan doklattin neqil keltürüshiche, xitay merkizi süpet - téxnika nazaretchiliki, tekshürüsh - karantin qilish bash idarisi doklatida 7200 xil tawarning 80.9 Pirsentining tekshürüshtin ötkenlikini we mehsulat süpitining üzlüksiz yuqiri kötiriliwatqanliqini otturigha qoyghan bolsimu, emma qalghan 19.1 Pirsent tawarlarda zeherlik maddilar, ximiyiwiy qoshulmilar, bixeterlik we mehsulat chüshendürülüshining kem bolush qatarliq ehwallar körülgen.
Kichik tiptiki zawutlarda ishlen'gen mehsulatlarda bu xil ehwal bir qeder éghir bolup 27.1 Pirsentke yetken.
Doklatta körsitilishiche yene, bu tekshürüsh peqet xitay ichidiki mehsulatlargha qaritilghan bolup, éksport qilinidighan mehsulatlarni oz ichige almaydiken.
Bu qétimliq tekshürüshte 5 den bir qisim ichimlik layaqetsiz chiqqan we ximiyiwiy oghut, parazit qurut doriliri, déhqanchiliq doriliri qatarliqlarning 19.5 Pirsenti tekshürüshtin ötelmigen.
Uningdin bashqa yene, qutiliq ichimlik, méwe murabbaliri, su tengshigüch, qurutulghan béliq qatarliq nurghun mehsulat we yémek- ichmek mehsulatlirida baktériye we yuqiri derijidiki ximiyiwiy qoshulmilar bayqalghan.
Bu yil bahardin bashlap xitay da'iriliri amérikigha süpetsiz we zeherlik maddilardin bulghan'ghan herxil yémeklik, tébbiy xuruchlar we balilar oyunchuqlirini éksport qilghanliqi seweblik xitay terep amérika hökümitining eyiblishige uchrap kelgen.
Xitay amérika we panamagha éksport qilghan xitay mallirida zeherlik ximiyiwiy maddilar bayqalghandin kiyin xitay méligha qarita dunyawi diqqet qozghalghan idi.
Ötken hepte amérika yimek-ichmek, dora- dermek bashqurush idarisi xitayda béqilghan su mehsulatlirini, zeherlik madda yoqlughi ispatlanmighuche bir tutash kirgüzmeydighanliqini jakarlidi. (Jüme)
Munasiwetlik maqalilar
- Xitay shirketliri iqtisadi menpe'etinila közlewatidu
- Yawropa ittipaqi xitay éksport qilghan ayaq kiyimliridin baj élishni qarar qildi
- Xitay amérikidin 80 dane boying ayrupilani sétiwélishqa kélishti
- Prézidént bush soda mesilisini junggo - amérika bashliqlar söhbitidiki muhim téma dédi
- Hindistan we xitay qedimiy yipek yolida qayta soda bashlash pilanini kéchiktürdi
- Xitay bilen filippin bir yérim milyard dollarliq soda kélishimi tüzdi
- Yawropa birliki xitay toqumichiliq mehsulatlirigha étibar bérish tüzümini emeldin qaldurmaqchi
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- D u q pütün dunyadiki Uyghurlarni “5-Iyul ürümchi qirghinchiliqi” ning 13 yilliqini xatirileshke chaqirdi
- Türkiye bilen qazaqistanning b d t kishilik hoquq aliy kéngishining 50-qétimliq yighinida Uyghur mesilisini tilgha élishi némidin bisharet béridu?
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Bextiyar böre: “Men Uyghur, men térrorchi emes, irqiy qirghinchiliqni toxtat”
