Teywen xitayning hujumigha taqabil turush sheklide herbiy manéwir ötküzdi


2005-07-27
Share

Teywen herbiy da'iriliri charshenbe küni xitayning hujumigha zerbe bérish teqlid qilin'ghan "xen'gu'ang 21 - nomurluq herbiy manéwir"ini ötküzdi.

Teywen merkizi axbarat agéntliqining xewirige qarighanda, teywen prézidénti chén shüybyen herbiy bazigha bérip manéwirni közdin köchürdi hemde manéwirning bashlinish murasimida qilghan sözide béyjing hökümitining herbiy hazirliqini kéngeytip, ikki qirghaq weziyitige tehdit hasil qiliwatqanliqini yene bir qétim eyiblidi.

Bu qétimliq manéwirgha 2000 din oshuq ofétsir, esker we 4 dane f-16 belgilik köreshchi ayrupilan, 9 dane ch-130 tipliq toshughuchi ayrupilan qatarliq her xil qoral esliheliri qatnashturuldi. Shundaqla bu manéwir asasliqi xitayning teywenning asasliq hawa armiye bazilirigha hawadin hujum qilishi teqlid qilinip élip bérildi.

Amérika herbiy da'iriliri yéqinda élan qilghan bir parche doklatida, téz sür'ette éshiwatqan xitay herbiy küchining rayon'gha tehdit hasil qilishi mumkinlikini körsitip, béyjingning 650 danidin 730 ghiche bolghan bashqurulidighan bombisini teywen'ge toghrilap qoyghanliqini yazghan.

Amérika hökümiti teywenning musteqilliqini qollimaydu emma, xitay hökümitiningmu teywen'ge hujum qilishigha qarshi chiqidu. Uning üstige amérika qanunida nawada teywen hujumgha uchrisa, amérikining teywenni qoghdash mejburiyitining barliqi belgilen'gen.

Xitay hökümiti bolsa teywenni özining bir qismi dep qaraydu hetta xitay yéqinda bir yéngi qanun turghuzup, eger teywen musteqilliq jakarlisa, u halda teywen'ge qoral küchi bilen hujum qilishni békitken. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet