Хитай билән русийә бирләшмә һәрбий маневир өткүзмәкчи


2005-08-02
Share

Хитай дөләт мудапиә министирлиқиниң мәлум қилишичә, хитай билән русийә мушу айниң ахирлири террорчилиқ вә бөлгүнчиликкә қарши күчини ашуруш мәқситидә бирләшмә һәрбий маневир өткүзидикән.

Маневир 18 - авғусттин 25 - авғустиқичә давам қилидиған болуп, униңға икки тәрәпниң қуруқлуқ, деңиз вә һава армийилиридин болуп 10 миңға йеқин әскәр қатнишидикән.

Хитай дөләт мудапиә министирлиқи бу қетимлиқ маневирға "тинчлиқ һәрикити 2005" дегән нам берилгәнликини, шундақла буниң асаслиқ мәқситиниң, хитай билән русийә армийиси оттурисидики өз-ара ишәнчни ашуруш вә һәмкарлиқни күчәйтиш икәнликини билдүрди.

Хитай мудапиә министирлиқи йәнә, бу қетимлиқ маневирниң 3 -бир дөләтни нишан қилмиғанлиқини әскәртти. Униң ейтишичә, бу маневир 18 - авғуст дәсләп русийиниң виладивостоктики русийә тинч-окян парахот әтритиниң баш шитабидин башлинип, кейин хитайниң шәндоң өлкисигә йеқин сериқ деңиз йәни хуаңхәй деңизи әтрапиғичә йөткилидикән.

Шаңхәй һәмкарлиқ тәшкилатиниң асаслиқ башламчилиридин болған хитай билән русийә, шаңхәй һәмкарлиқ тәшкилатиға әза башқа дөләтләрниму террорчилиқ, диний радикал вә бөлгүнчиликкә қарши көрәшкә һәмкарлишишқа үндәп кәлгән болуп, улар йәнә бу дөләтләрни бу қетимқи маневирни көздин көчүрүшкә тәклип қилған. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт