Xitay bilen rusiye birleshme herbiy manéwir ötküzmekchi


2005-08-02
Share

Xitay dölet mudapi'e ministirliqining melum qilishiche, xitay bilen rusiye mushu ayning axirliri térrorchiliq we bölgünchilikke qarshi küchini ashurush meqsitide birleshme herbiy manéwir ötküzidiken.

Manéwir 18 - awghusttin 25 - awghustiqiche dawam qilidighan bolup, uninggha ikki terepning quruqluq, déngiz we hawa armiyiliridin bolup 10 minggha yéqin esker qatnishidiken.

Xitay dölet mudapi'e ministirliqi bu qétimliq manéwirgha "tinchliq herikiti 2005" dégen nam bérilgenlikini, shundaqla buning asasliq meqsitining, xitay bilen rusiye armiyisi otturisidiki öz-ara ishenchni ashurush we hemkarliqni kücheytish ikenlikini bildürdi.

Xitay mudapi'e ministirliqi yene, bu qétimliq manéwirning 3 -bir döletni nishan qilmighanliqini eskertti. Uning éytishiche, bu manéwir 18 - awghust deslep rusiyining wiladiwostoktiki rusiye tinch-okyan paraxot etritining bash shitabidin bashlinip, kéyin xitayning shendong ölkisige yéqin sériq déngiz yeni xu'angxey déngizi etrapighiche yötkilidiken.

Shangxey hemkarliq teshkilatining asasliq bashlamchiliridin bolghan xitay bilen rusiye, shangxey hemkarliq teshkilatigha eza bashqa döletlernimu térrorchiliq, diniy radikal we bölgünchilikke qarshi köreshke hemkarlishishqa ündep kelgen bolup, ular yene bu döletlerni bu qétimqi manéwirni közdin köchürüshke teklip qilghan. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet