خىتاي، رۇسىيە بىرلەشمە ھەربىي مانېۋىرى باشلاندى


2005.08.18
Share on WhatsApp
Share on WhatsApp

پەيشەنبە كۈنى خىتاي بىلەن رۇسىيە بىرلىكتە ئېلىپ بارىدىغان 8 كۈنلۈك بىرلەشمە ھەربىي مانېۋىرىنى رەسمىي باشلىدى. بۇنىڭغا ھەر ئىككىلا تەرەپنىڭ ھاۋا، دېڭىز ۋە قۇرۇقلۇق ھەربىي قىسمىنىڭ باش قوماندانلىرى قاتناشتى.

ئامېرىكا بىرلەشمە ئاگېنتلىقىنىڭ خەۋىرىگە قارىغاندا، بۇ قېتىملىق مانېۋىرغا قاتناشقان 10 مىڭ ئەسكەرنىڭ كۆپىنچىسى خىتاي بولۇپ، رۇسىيە تەرەپ 1800 نەپەر ئەسكەر قاتناشتۇرغان.

رۇسىيە مەتبۇئاتلىرى خەۋىرىدە، بۇ قېتىملىق بىرلەشمە ھەربىي مانېۋىرنىڭ لايىھىسى خۇددى تەيۋەننى بېسىۋالغاندەك شەكىلدە بولۇپ، خىتاينىڭ بۇ بىرلەشمە مانېۋىر ئارقىلىق رۇسىيە قارتىنى ئۇستاتلىق بىلەن ئويناپ، تەيۋەن، ئامېرىكا ۋە ياپونىيە قاتارلىق دۆلەتلەرگە تاقابىل تۇرۇشنى مەقسەت قىلغانلىقىنى يازغان.

ئەنگىلىيە ب ب س رادىئو- تېلېۋىزىيە شىركىتىنىڭ خەۋىرىگە قارىغاندا، مانېۋىر جەريانىدا رۇسىيە بىلەن خىتاي تەرەپ ئارىسىدا بەزىبىر ئىختىلاپلار كۆرۈلگەن. (پەرىدە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.