خىتاي - رۇسىيە ھەربىي مانېۋىرى 3 - باسقۇچقا كىردى


2005.08.24
Share on WhatsApp
Share on WhatsApp

خىتاي بىلەن رۇسىيە بىرلىكتە ئېلىپ بېرىۋاتقان "تىنچلىق ۋەزىپىسى - 2005" دەپ ئاتالغان ھەربىي مانېۋىر چارشەنبە كۈنى 3 - باسقۇچقا كىرىپ، ئىككى تەرەپ دېڭىز ئارمىيىسى، سۇدىن قۇرۇقلۇققا چىقىش ئۇرۇش تاكتىكىسى بويىچە ھەربىي مەشق ئېلىپ باردى.

مانېۋىرغا، رۇسىيىنىڭ تىنچ - ئوكيان پاراخوت ئەترىتى بىلەن خىتاي دېڭىز ئارمىيىسىنىڭ ئۇرۇشچى پاراخوتلىرى، بومباردىمانچى ۋە كۆرەشچى ئايرۇپىلانلار قاتناشتۇرۇلغان. ياپونىيە مەتبۇئاتلىرى يېقىندا، خىتاي-رۇسىيە بىرلەشمە ھەربىي مانېۋىرىنىڭ، شەندۇڭ يېرىم ئارىلىنى "قىياستىكى تەيۋەن" دەپ پەرەز قىلىپ تۇرۇپ مەشغۇلات ئېلىپ بارغانلىقىنى خەۋەر قىلغان.

جياڭ زېمىن ۋاقتىدا قارار قىلىنغان خىتاي - رۇسىيە بىرلەشمە ھەربىي مانېۋىرى، 2002 - يىلى يازدا پىلان تۈزۈشكە باشلىغان بولۇپ، بۇ خۇ جىنتاۋنىڭ، جياڭ زېمىننىڭ "ئىقتىسادىي تەرەققىيات بىلەن ھەربىي تەرەققىياتنى تەڭ ئېلىپ بېرىش" پرىنسىپىغا ۋارىسلىق قىلغانلىقىدىن دېرەك بەردى.

ئىككى دۆلەت مۇداپىئە مىنىستىرلىقلىرى 2004 - يىلى 7 - ئايدا بىرلەشمە ھەربىي مەشق ئۆتكۈزۈش كېلىشىمىنى ئىمزالىغان بولۇپ، "تىنچلىق ۋەزىپىسى - 2005" دەپ ئاتالغان بۇ مەشق بۇ يىل 8 -ئاينىڭ 18 - كۈنى باشلىنىپ 25 - كۈنى ئاخىرلىشىدۇ. (پەرىدە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.