Хитай - русийә һәрбий маневири 3 - басқучқа кирди

Хитай билән русийә бирликтә елип бериватқан "тинчлиқ вәзиписи - 2005" дәп аталған һәрбий маневир чаршәнбә күни 3 - басқучқа кирип, икки тәрәп деңиз армийиси, судин қуруқлуққа чиқиш уруш тактикиси бойичә һәрбий мәшқ елип барди.

Маневирға, русийиниң тинч - окян парахот әтрити билән хитай деңиз армийисиниң урушчи парахотлири, бомбардиманчи вә көрәшчи айрупиланлар қатнаштурулған. японийә мәтбуатлири йеқинда, хитай-русийә бирләшмә һәрбий маневириниң, шәндуң йерим арилини "қиястики тәйвән" дәп пәрәз қилип туруп мәшғулат елип барғанлиқини хәвәр қилған.

Җяң земин вақтида қарар қилинған хитай - русийә бирләшмә һәрбий маневири, 2002 - йили язда пилан түзүшкә башлиған болуп, бу ху җинтавниң, җяң земинниң "иқтисадий тәрәққият билән һәрбий тәрәққиятни тәң елип бериш" принсипиға варислиқ қилғанлиқидин дерәк бәрди.

Икки дөләт мудапиә министирлиқлири 2004 - йили 7 - айда бирләшмә һәрбий мәшқ өткүзүш келишимини имзалиған болуп, "тинчлиқ вәзиписи - 2005" дәп аталған бу мәшқ бу йил 8 -айниң 18 - күни башлинип 25 - күни ахирлишиду. (Пәридә)