Xitay - rusiye herbiy manéwiri 3 - basquchqa kirdi


2005.08.24
Share on WhatsApp
Share on WhatsApp

Xitay bilen rusiye birlikte élip bériwatqan "tinchliq wezipisi - 2005" dep atalghan herbiy manéwir charshenbe küni 3 - basquchqa kirip, ikki terep déngiz armiyisi, sudin quruqluqqa chiqish urush taktikisi boyiche herbiy meshq élip bardi.

Manéwirgha, rusiyining tinch - okyan paraxot etriti bilen xitay déngiz armiyisining urushchi paraxotliri, bombardimanchi we köreshchi ayrupilanlar qatnashturulghan. Yaponiye metbu'atliri yéqinda, xitay-rusiye birleshme herbiy manéwirining, shendung yérim arilini "qiyastiki teywen" dep perez qilip turup meshghulat élip barghanliqini xewer qilghan.

Jyang zémin waqtida qarar qilin'ghan xitay - rusiye birleshme herbiy manéwiri, 2002 - yili yazda pilan tüzüshke bashlighan bolup, bu xu jintawning, jyang zéminning "iqtisadiy tereqqiyat bilen herbiy tereqqiyatni teng élip bérish" prinsipigha warisliq qilghanliqidin dérek berdi.

Ikki dölet mudapi'e ministirliqliri 2004 - yili 7 - ayda birleshme herbiy meshq ötküzüsh kélishimini imzalighan bolup, "tinchliq wezipisi - 2005" dep atalghan bu meshq bu yil 8 -ayning 18 - küni bashlinip 25 - küni axirlishidu. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.