Rusiye bilen xitay kéler yili yene birleshme manéwir ötküzmekchi


2005.08.26
Share on WhatsApp
Share on WhatsApp

25-Awghust küni rusiye bilen xitayning birleshme herbiy manéwiri emdila axirlishishigha rusiye da'iriliri kéler yili yene bir qétim xitay bilen birleshme manéwir ötküzidighanliqini, belki buninggha hindistanningmu qatnishishi mumkinlikini bildürdi.

Amérika awazi radi'osining uchurigha asaslan'ghanda rusiye axbarat wastiliri rusiye dölet mudapi'e ministirliqining yuqiri derijilik emeldarining moskwaning 2006-yili xitay, hindistan bilen birliship, téximu keng kölemdiki üch dölet birleshme herbiy manéwiri ötküzüshni oylishiwatqanliqini bildürgen.

Buningdin ilgiri yene bu yil küz aylirida shangxey hemkarliq teshkilatiningmu birleshme herbiy manéwir ötküzidighanliqini xewer qilin'ghan idi. Rusiye herbiy da'iriliri egerde kéler yili hindistanning qatnishishi bilen rusiye-xitay-hindistan birleshme herbiy manéwiri ötküzüshke mumkin bolsa, buning zor ehmiyetlik ish bolidighanliqini tekitligen.

Xitay we rusiye da'iriliri bu qétimqi manéwirning üchinchi bir döletke tehdid sélishni meqset qilmaydighanliqini bildürgen bolsimu, emma közetküchilerning buning yenila amérikining ottura asiya we tinch okyan rayonidiki tesirige taqabil turush ikenlikini otturigha qoymaqta. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.