Xitay herbiy da'iriliri ichki monggholda keng kölemlik herbiy manéwir ötküzdi


2005.09.27
Share on WhatsApp
Share on WhatsApp

Xitay herbiy da'iriliri seyshenbe küni ichki monggholda keng kölemlik herbiy manéwir ötküzüp, amérika, en'giliye qatarliq 24 döletning béyjingda turushluq herbiy wekillirini maniwérni körüshke teklip qildi.

Manéwirgha 16 ming esker qatnashqan bolup, "béyjyen - 2005" dep nam bérilgen. Manéwir béyjing herbiy rayonigha qarashliq ichki monggholning zurixé rayonidiki herbiy meshq meydanida élip bérildi.

Xitay dölet mudapi'e ministirliki düshenbe küni élan qilghan bayanatida, manéwirgha 24 döletning béyjingda turushluq herbiy emeldarliri we eskiri xadimlardin 40 tek kishining teklip qilin'ghanliqini bildürülgen.

Xitayning hökümet zuwani shinxu'a axbarat agéntliqi, manéwirni hazirghiche chet'ellik közetküchiler eng köp teklip qilin'ghan manéwir, dep körsetti. Emma manéwirgha yaponiye herbiy emeldarlirining teklip qilinmighanliqi chet'el metbu'atlirining diqqitini qozghighan.

Yéqinqi yillardin béri yaponiye - xitay munasiwiti jiddi yirikleshmekte idi. Yaponiye “asaxiy shinbén” gézitining düshenbe küni xewer qilishiche, yaponiye mudapi'e ministirliki mudapi'e pilanida xitayni yaponiyige tehdit dölet, dep atighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.