Amérika xitayning herbiy manéwirigha qatnishishqa yol qoyushini ümid qildi


2006-06-23
Share

Amérika dölet mudapi'e ministirliqining asiya - tinch okyan ishliri mes'uli général jon ellén, amérika, xitay herbiy wekillirini herbiy manéwirgha teklip qilghandin kéyin, xitay terep amérikini herbiy manéwirgha teklip qilishi kérek, dep körsetti.

Amérika xitayning bir herbiy wekiller ömikini yéqinda tinch okyanning gu'am arili etrapida ötküzülgen "jesur qalqan" namliq herbiy manéwirgha teklip qilghan we xitay herbiy wekiller ömiki amérikining "régan" namliq awi'amatkisini ziyaret qilghan.

Shinxu'a axbarat agéntliqining xewer qilishiche, xitay herbiy wekiller ömiki bu qétimqi manéwirni közetkendin kéyin, amérikining herbiy hazirliqlar we istratégiyisige bolghan chüshenchimiz chongqurlashti, dep qarighan.

Jon ellén, peyshenbe küni amérika dölet mejlisidiki herbiy ispat bérish yighinida "junggo herbiy ishlarni ashkarilashturushni kücheytipla qalmay, junggo armiyisi yene 'bar tawighim - yan tawighim' mentiqisi boyiche amérika herbilirini xitay armiyisining herbiy manéwirigha teklip qilishi kérek" deydu.

Yighinda amérika yardemchi dölet mudapi'e ministiri pétir rodman, amérika herbiy ishlarni ashkarilashturushni telep qilip xitaygha dawamliq bésim ishlitidu, dédi. Rodmanning eskertishiche, eger junggo amérikini manéwirgha teklip qilmisa, amérika xitay herbiy da'irilirini yene teklip qiliwermeydiken. U, junggoning bashqurulidighan bomba, su asti paraxot, ikki sep boyiche urush qilish, awi'amatka, kompyutir we sun'iy hemragha qarshi urush qilish sahesidiki tereqqiyatigha diqqet qilishqa erziydu, deydu. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet