Хитай-пакистан һәрбий маневири ахирлашти


2006.12.18
Share on WhatsApp
Share on WhatsApp

11‏- Декабир күни пакистанниң шималий райониға җайлашқан абадабад районида башланған хитай- пакистан "достлуқ 2006‏" бирләшмә һәрбий маневири дүшәнбә күни аяқлашти. Бу қетимқи һәрбий маневирға һәр икки дөләттин йүзлигән әскәр вә офитсер қатнашқан болуп, маневирда әскәрләрниң тағлиқ районда террорчиларға қарши һәр түрлүк қоралларни ишлитиш қабилийити синалған.

Маневирни көзитиш үчүн пакистанға кәлгән хитай вәкилләр өмикиниң башлиқи генерал лу деңмиң, хитай президенти ху җинтавниң пакистан зияритидин кейин елип берилған бу қетимқи маневирни террорчилиққа қарши һәмкарлиқ тоғрисида икки дөләт рәһбәрлири оттурисида имзаланған келишимни әмәлгә ашурушниң ипадиси дәп көрсәтти.

Маневирни көзәткән пакистан вәкилләр өмикиниң башлиқи генерал тариқ миҗит, мухбирларға бәргән баянатида, маневир наһайити мувәппәқийәтлик өтти, һәр икки тәрәп бир- бириниң қабилийәт вә тәҗирибилиридин пайдиланди, деди.

Бу қетим хитай билән пакистан һәрбий қисимлири тәрипидин елип берилған һәрбий маневир 2004‏- йилидин бери икки дөләт һәрбий қисимлири тәрипидин елип берилған иккинчи қетимлиқ һәрбий маневир болуп, пакистан дөлити қурулғанлиқиниң 55‏- йиллиқи мунасивити билән орунлаштурулған паалийәтләр қатарида елип берилған. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.