Xitay-pakistan herbiy manéwiri axirlashti


2006.12.18
Share on WhatsApp
Share on WhatsApp

11‏- Dékabir küni pakistanning shimaliy rayonigha jaylashqan abad'abad rayonida bashlan'ghan xitay- pakistan "dostluq 2006‏" birleshme herbiy manéwiri düshenbe küni ayaqlashti. Bu qétimqi herbiy manéwirgha her ikki dölettin yüzligen esker we ofitsér qatnashqan bolup, manéwirda eskerlerning taghliq rayonda térrorchilargha qarshi her türlük qorallarni ishlitish qabiliyiti sinalghan.

Manéwirni közitish üchün pakistan'gha kelgen xitay wekiller ömikining bashliqi général lu déngming, xitay prézidénti xu jintawning pakistan ziyaritidin kéyin élip bérilghan bu qétimqi manéwirni térrorchiliqqa qarshi hemkarliq toghrisida ikki dölet rehberliri otturisida imzalan'ghan kélishimni emelge ashurushning ipadisi dep körsetti.

Manéwirni közetken pakistan wekiller ömikining bashliqi général tariq mijit, muxbirlargha bergen bayanatida, manéwir nahayiti muweppeqiyetlik ötti, her ikki terep bir- birining qabiliyet we tejiribiliridin paydilandi, dédi.

Bu qétim xitay bilen pakistan herbiy qisimliri teripidin élip bérilghan herbiy manéwir 2004‏- yilidin béri ikki dölet herbiy qisimliri teripidin élip bérilghan ikkinchi qétimliq herbiy manéwir bolup, pakistan döliti qurulghanliqining 55‏- yilliqi munasiwiti bilen orunlashturulghan pa'aliyetler qatarida élip bérilghan. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.