Мав билән диңниң сизиқидин чиқип кәтсә хитай қалаймиқан болуп кетәмдикән?

Хитайниң сабиқ баш министири җав зияңниң катиби бав тоң әпәнди йеқинда әркин асия радиосиға обзорлирини елан қилиш һоқуқини бәрди. Узундин буян нәзәрбәнд астида туруватқан бу әпәнди обзорида 'өткән әсирниң 50 ‏- йиллирида йүз бәргән 'чоң сәкрәп илгириләш' дегән һәрикәттә ялғанчилиқ болғанға охшаш, һазирқи 'инақ җәмийәт ' дегән һәрикәттиму дөләт пуқралирини қаттиқ бастуридиған, адвокатларға зәрбә беридиған, мухбирларни чәкләйдиған қанунға хилап ишларни қилиш 'инақ җәмийәт' дейиливатиду' дәп көрсәткән.

Бав тоң әпәнди обзорида йәнә 'ху явбаң әпәнди мав зедоң дәвридики наһәқ делоларни рәт қилишқа җүрәт қилған иди. Мав зедоң 'оңчи' дәп бикитип рәһимсизлик билән көрәшкә алған кишиләрниң намини әслигә кәлтүрди. Бундақ интайин чоң өзгириштә җәмийәт қалаймиқанлашмиди. Әмди ху җинтав, вен җабавлар 'инақ җәмийәт қурушта мав билән диңниң сизиқидин чиқип кәтсә хитай қалаймиқан болуп кетәмдикән?' дәп суал қойған.