Maw bilen dingning siziqidin chiqip ketse xitay qalaymiqan bolup kétemdiken?

Xitayning sabiq bash ministiri jaw ziyangning katibi baw tong ependi yéqinda erkin asiya radi'osigha obzorlirini élan qilish hoquqini berdi. Uzundin buyan nezerbend astida turuwatqan bu ependi obzorida 'ötken esirning 50 ‏- yillirida yüz bergen 'chong sekrep ilgirilesh' dégen herikette yalghanchiliq bolghan'gha oxshash, hazirqi 'inaq jem'iyet ' dégen herikettimu dölet puqralirini qattiq basturidighan, adwokatlargha zerbe béridighan, muxbirlarni chekleydighan qanun'gha xilap ishlarni qilish 'inaq jem'iyet' déyiliwatidu' dep körsetken.

Baw tong ependi obzorida yene 'xu yawbang ependi maw zédong dewridiki naheq délolarni ret qilishqa jür'et qilghan idi. Maw zédong 'ongchi' dep bikitip rehimsizlik bilen köreshke alghan kishilerning namini eslige keltürdi. Bundaq intayin chong özgirishte jem'iyet qalaymiqanlashmidi. Emdi xu jintaw, wén jabawlar 'inaq jem'iyet qurushta maw bilen dingning siziqidin chiqip ketse xitay qalaymiqan bolup kétemdiken?' dep su'al qoyghan.