Mawzédungning tyen'enmin meydanidiki resimi yene hujumgha uchridi


2007.07.03

Ikki ay burun Uyghur élidin béyjinggha kelgen bir xitay teripidin élip bérilghan hujumda bir qisimi köydürülgen, mawzédungning tyen'enmin meydanidiki resimi, ötken yekshenbe küni chüshtin kéyin yene bir kishining hujumigha uchridi.

Lékin xewerlerge qarighanda, hujum qilghuchi qolidiki yéniwatqan saliyotni mawzédungning resimige étishqa ülgürmey, saqchilar teripidin tutulghan. Béyjing saqchi da'iriliri xitaydiki kommunist hakimiyetning eng küchlük simwollirining biri bolghan mawzédungning tyen'enmin meydanidiki resimige qarita élip bérilghan hujumni étirap qilmidi.

1989‏- Yili xitay armiyisi teripidin qanliq basturulghan tyen'enmin oqughuchilar herikiti jeryanida mawzédungning tyen'enmin meydanidiki resimige tuxumgha qachilan'ghan siyani chachqan yö dungyü isimlik bir xitay muxbiri 17 yilliq qamaq jazasigha höküm qilin'ghan idi.

Gerche u türmidin chiqip a'ilisi bilen birlikte yashawatqan bolsimu, emma türmidiki nachar we qattiq mu'amile tüpeylidin, rohi késellikning azabini chekmekte. (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.