Коммунист хитай һөкүмити билән радикал мавчилар оттурисидики зиддийәт кәскин


2007-07-18
Share

Коммунист хитай һөкүмити йеқиндин буян радикал мавчиларниң тор бәтлиригә җиддий муамилә қилишқа башлиған иди.

'Бирләшмә агентлиқи'ниң шаңхәйдин хәвәр қилишичә, хитай коммунист партийиси ичидики радикал мавчиларниң 'мавзедуң байриқи' намлиқ тор бетидә, һазирқи партийә секритарлириниң аллиқачан капиталистларға айлинип болғанлиқини вә җәмийәттики капиталистларниң болса аллиқачан коммунист партийигә кирип болғанлиқини, буларниң чәтәл ширкәтлиригә пайда йәткүзиватқанлиқини тәнқидләйдиған, болупму һазирқи коммунист партийә секритари ху җинтавни тәнқид қилидиған мақалилар елан қилинған иди.

Хәвәрдә ейтилишичә, хитай һөкүмитиниң интернет сақчилири радикал мавчиларниң бу тор бетини бүгүн (чаршәнбә күни) әтигәндила тақивәткән. Чүнки бу тор бетидә йәнә, пенсийигә чиққан консерватип әмәлдарлар, даңлиқ зиялийлар вә һәрбий офитсерлар бирликтә имза қоюп, ху җинтав һоқуқ тутқандин буян байлар билән намратларниң пәрқи чоңийип кәткәнлики вә ху җинтавниң давамлиқ һоқуқ тутушқа тәйярлиқ қиливатқанлиқиға қарши очуқ хәт елан қилған икән. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт