Иқтисадшунасларниң қаришичә, хитайда хәлқ мәбләғ салидиған көп пурсәт яритилиши керәк


2007.04.04
Share on WhatsApp
Share on WhatsApp

Хитайниң малийә министирлиқи, қурулуш министирлиқи, дөләт земин -байлиқлирини башқуруш идариси қатарлиқ органларниң мәлуматлириға қариғанда, хитайда 2006 ‏- йили йәр ‏- земин, торалғу содиси 21% юқири өрлигән. Һазирму торалғу содиси наһайити қизиватиду.

Бирләшмә агенитлиқиниң шаңхәйдин бәргән хәвиридә баян қилинишичә, хитайда йәр-туралғу содиси қанчә қизиғансери, гәрчә хиянәтчиликкә қарши шуар юқири аваз билән товлинип туруватсиму, әмма йәр-торалғу башқуридиған органлардики коммунист әмәлдарлириниң хиянәтчилик хаһиши шунчә юқири өрләватиду.

Америкидики верҗиня университетиниң хитайдики иқтисадий мәсилиләрни тәтқиқ қиливатқан мутәхәссси брус рейнолдниң мулаһизә қилишичә, хитайда торалғу содисиниң барғансири қизиватқанлиқи еһтияҗниң чоң болғанлиқи билән мунасивәтлик. Әмма хәлқниң еһтияҗи билән сетивелиш күчи мунасип әмәс. Шуңлашқа торалғу сетивелишқа тизимлатқан адәм сани көп, лекин рәсмийәт өтәлигини аз болуватиду. Буниңдики мәсилиләрни инчикә көзәткәндә, хәлқниң қолидики мәбләғлирини салидиған пурсәт аз. Шуңлашқа, хитайда худди америкидикидәк, кирими оттураһал яки түвән болған кишиләргә мувапиқ келидиған , һәр икки тәрәпкә охшаш пайда кәлтүридиған фонд яки пенсийә фонди дегәндәк мәбләғ салидиған түрләрни көпәйтип, хәлққә көпләп мәбләғ селиш пурсити яритилиши керәк. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.