Iqtisadshunaslarning qarishiche, xitayda xelq meblegh salidighan köp purset yaritilishi kérek


2007-04-04
Share

Xitayning maliye ministirliqi, qurulush ministirliqi, dölet zémin -bayliqlirini bashqurush idarisi qatarliq organlarning melumatlirigha qarighanda, xitayda 2006 ‏- yili yer ‏- zémin, toralghu sodisi 21% yuqiri örligen. Hazirmu toralghu sodisi nahayiti qiziwatidu.

Birleshme agénitliqining shangxeydin bergen xewiride bayan qilinishiche, xitayda yer-turalghu sodisi qanche qizighanséri, gerche xiyanetchilikke qarshi shu'ar yuqiri awaz bilen towlinip turuwatsimu, emma yer-toralghu bashquridighan organlardiki kommunist emeldarlirining xiyanetchilik xahishi shunche yuqiri örlewatidu.

Amérikidiki wérjinya uniwérsitétining xitaydiki iqtisadiy mesililerni tetqiq qiliwatqan mutexesssi brus réynoldning mulahize qilishiche, xitayda toralghu sodisining barghansiri qiziwatqanliqi éhtiyajning chong bolghanliqi bilen munasiwetlik. Emma xelqning éhtiyaji bilen sétiwélish küchi munasip emes. Shunglashqa toralghu sétiwélishqa tizimlatqan adem sani köp, lékin resmiyet öteligini az boluwatidu. Buningdiki mesililerni inchike közetkende, xelqning qolidiki mebleghlirini salidighan purset az. Shunglashqa, xitayda xuddi amérikidikidek, kirimi otturahal yaki tüwen bolghan kishilerge muwapiq kélidighan , her ikki terepke oxshash payda keltüridighan fond yaki pénsiye fondi dégendek meblegh salidighan türlerni köpeytip, xelqqe köplep meblegh sélish pursiti yaritilishi kérek. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet