Мексика, хитайға қариши иқтсадий күрәштә америка сепигә қетилди


2007.02.26
Share on WhatsApp
Share on WhatsApp

Мексика һөкүмити дүшәнбә күни сода вә тиҗарәт дәвасида хитайға қарши тунҗи қәдәмни етип, америкиниң сепигә қетилди.

Хәвәрләргә қариғанда, мексика һөкүмити дуня сода тәшкилатиға мураҗиәт қилип, бейҗиң һөкүмитиниң пулат, компютер вә кейим-кечәк санаитигә қиливатқан ярдими тоғрисида хитай һөкүмити билән сөзлишишини халайдиғанлиқини билдүргән.

Америка һөкүмити, сода мәсилисидә президент буш һөкүмитидин хитайға қарши қаттиқрақ позитисйидә болушини тәләп қиливатқан америка дөләт мәҗлисиниң бесими билән 2‏-феврал күни америка санаәтчилириниң риқабәтлишиш күчини ашуруш үчүн дуня сода тәшкилатиға мураҗиәт қилип, хитайниң бәзи санаәт тармақлириға бериватқан дөләт ярдими мәсилисидә, бейҗиң һөкүмити билән көрүшүш тәлипини оттуриға қойған иди.

Дуня сода тәшкилати мутәхәссислириниң билдүрүшичә, әгәр 60 күнгичә америка-хитай вә хитай мексикониң алақидар даирилири оттурисида елип берилидиған сөһбәтләр нәтиҗә бәрмисә, дуня сода тәшкилати америка вә мексикиниң хитай һәққидики әрзини бирләштүрүши мумкин икән.

Иккинчи қәдәмдә дуня сода тәшкилати 9 ай ичидә хитай һөкүмитиниң һәрикитиниң қанунлуқ яки қанунсиз икәнлики һәққидә қарар чиқридикән.

яврупа иттипақи, австралийә, японийә вә мексика қатарлиқ хитайниң дунядики чоң сода шериклири, америка тәрипидин ечилған даваға үчүнчи тәрәп болуп қатнишишни халайдиғанлиқини билдүргән. Әмма дүшәнбә күни мексика һөкүмити дәвагәр болидиғанлиқини җакарлиди. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.