Méksika, xitaygha qarishi iqtsadiy küreshte amérika sépige qétildi

Méksika hökümiti düshenbe küni soda we tijaret dewasida xitaygha qarshi tunji qedemni étip, amérikining sépige qétildi.

Xewerlerge qarighanda, méksika hökümiti dunya soda teshkilatigha muraji'et qilip, béyjing hökümitining pulat, kompyutér we kéyim-kéchek sana'itige qiliwatqan yardimi toghrisida xitay hökümiti bilen sözlishishini xalaydighanliqini bildürgen.

Amérika hökümiti, soda mesiliside prézidént bush hökümitidin xitaygha qarshi qattiqraq pozitisyide bolushini telep qiliwatqan amérika dölet mejlisining bésimi bilen 2‏-féwral küni amérika sana'etchilirining riqabetlishish küchini ashurush üchün dunya soda teshkilatigha muraji'et qilip, xitayning bezi sana'et tarmaqlirigha bériwatqan dölet yardimi mesiliside, béyjing hökümiti bilen körüshüsh telipini otturigha qoyghan idi.

Dunya soda teshkilati mutexessislirining bildürüshiche, eger 60 kün'giche amérika-xitay we xitay méksikoning alaqidar da'iriliri otturisida élip bérilidighan söhbetler netije bermise, dunya soda teshkilati amérika we méksikining xitay heqqidiki erzini birleshtürüshi mumkin iken.

Ikkinchi qedemde dunya soda teshkilati 9 ay ichide xitay hökümitining herikitining qanunluq yaki qanunsiz ikenliki heqqide qarar chiqridiken.

Yawrupa ittipaqi, awstraliye, yaponiye we méksika qatarliq xitayning dunyadiki chong soda shérikliri, amérika teripidin échilghan dawagha üchünchi terep bolup qatnishishni xalaydighanliqini bildürgen. Emma düshenbe küni méksika hökümiti dewager bolidighanliqini jakarlidi. (Qanat)