Xitayning chet'el metbu'atlirini cheklesh siyasiti tenqidke uchridi

Chégra halqighan xelq'ara axbarat orgini xewerler guruhining bash mudiri rubért mordak, yéqinda béyjing da'irilirini chet'el axbarat organlirining xitaydiki kespiy pa'aliyitini kontrol qilish we cheklesh bilen eyiplidi.

Mordak ötken hepte sabiq amérika prézidénti bil klinton riyasetchilik qilghan nyu - yorktiki bir xelq'ara muhakime yighinida, bu xil cheklime chet'el axbarat organlirining xitay bazirigha kirish pilanini éghir ongushsizliqqa uchratti, dep tekitligen. Uning tekitlishiche, xewerler guruhining kespiy pa'aliyitini xitaygha kéngeytish pilani " sémont tamgha üssüwalghan". U, xitay hökümitining gumanxorluqi "telwilik" derijisige yétip bardi, deydu.

Mordak uzun yillardin béri kespiy pa'aliyitini xitaygha kéngeytish yolida tirishmaqta idi. Uning xewerler guruhi bu yil 8 - ayda chingxey téléwiziye istansisi bilen hemkarliship, xewerler guruhi qarmiqidiki yultuz téléwiziye qanili, qanal - qatarliq istansilarning chingxey, Uyghur aptonom rayoni, chongching we béyjinglarda téléwiziye programma tarqitish toghrisida kélishim tüzgen idi. Emma xitay hökümiti 8 - ayda höjjet chüshürüp, yerlik téléwiziye istansilirining chet'el metbu'atliri bilen hemkarlishishini chekligen. (Erkin)