Хитай мәтбуат әркинликини контрол қиливатқан асаслиқ дөләтләрдин бири


2007-02-15
Share

Хәлқара қәләмкәшләр җәмийити хитай дөләт рәиси ху җинтавға очуқ хәт йезип, бейҗиң даирилириниң қәләмкәшләр җәмийитигә әза язғучиларға бесим қилип, хоңкоңда ечилидиған йиғиниға қатнаштурмиғанлиқиға қаттиқ наразилиқ билдүрди.

Истансимизниң игилишичә, хәлқара қәләмкәшләр җәмийитиниң 2007 ‏- йиллиқ асия тенч окян районида өткүзилидиған йиғининиң хоңкоңда елип берилидиғанлиқи бекитилгән болуп, мәзкүр тәшкилатқа әза 20 нәпәр язғучи, хитай даирилириниң тосқунлуқи сәвәбидин хоңкоңға берип йиғинға иштирак қилишқа амалсиз қалған.

Хәлқара қәләмкәшләр җәмийити, хитай дөләт рәиси ху җинтавға очуқ хәт йезип, хитай даирилириниң мәзкүр қилмишини қаттиқ әйиблигән.

Бу арида хәлқара гезитчилар бирләшмиси пәйшәнбә күни, ахбарат әркинлики үчүн берилдиған " алтун қәләм " мукапатиниң хитай мухбири шишуға берилгәнликини елан қилди.

Хәлқара гезитчилар бирләшмиси, мухбир шишуни мукапатлаш билән биргә, хитай һөкүмитидин шишуни шәртсиз қоюп беришни,һеч болмиғанда 2007 ‏- йили 6 ‏- айниң 4 ‏- күни җәнубий африқиға берип, өзигә берилгән мукапатни тапшуруп елишиға рохсәт қилиши керәкликини оттуриға қойди.

Хәлқара гезитчилар бирләшмиси, дунядики 70 дин артуқ гезитчилик гуруһи тәвәликидә қурулған хәлқара ахбаратчилиқ тәшкилати болуп, бу тәшкилатниң шишуни мукапатлаштики муддиаси, униң мухбир болуштики мәрданилиқини тәғдирләштин ибарәт икән.

Шишу елан қилған учурлар хитай һөкүмити тәрипидин елан қилинмаслиққа тегишлик учурлар дәп қаралғанлиқи үчүн, у 12 йиллиқ қамақ җазаси билән җазаланди. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт