Хитайда тәбиий апәтләрдики өлүм - йетим вәқәлири буниңдин кейин дөләт мәхпийәтлики әмәс


2005.09.13
Share on WhatsApp
Share on WhatsApp

Хитай даирилири узун йиллардин бери давамлаштуруп келиватқан әнәнисини өзгәртип, буниңдин кейин тәбиий апәтләрдә йүз бәргән өлүм - йетим вәқәлири дөләт мәхпийәтлики һесапланмайдиғанлиқини җакарлиди.

Әмма көзәткүчиләрниң тәкитлишичә, башқа дөләтләрдә аммиви ишларға ятидиған адәттики учурлар хитайда һазирғичә йәнила дөләт мәхпиәтлики, дәп қаралмақтикән.

Хитай дөләт мәхпийәтлик идариси дүшәнбә күни ахбарат елан қилиш йиғини чақирип, тәбиий апәтләр сәвәбидин келип чиққан өлүм - йетим вәқәлириниң буниңдин кейин дөләт мәхпийәтлики, дәп қаралмайдиғанлиқини җакарлиған.

Әмма америка авази радиоси, хитай даирилириниң 50 вә 60 - йиллардики ачарчилиқта өлгән адәм санини һазирғичә елан қилмиғанлиқини илгири сүрди. Мәлуматларға қариғанда шу йилларда 20 милйон адәм өлгән. Толуқсиз мәлуматларда уйғур аптоном райониниң ақсу вилайитидики бай наһийисидә йүз бәргән ачарчилиқта 20 миң уйғур пуқраси өлгән.

Хитайниң тәбиий апәтни дөләт мәхпийәртлики, дәп қараш адити 2002 - йили гуаңдоңда партлиған сарс кесилиниң дуняға ямрап кетишини кәлтүрүп чиқарған. Бу кесәлдә дуня бойичә 800 адәм өлгән болуп, өлгәнләрниң көпчилики хитайлар иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.