Xitayda tebi'iy apetlerdiki ölüm - yétim weqeliri buningdin kéyin dölet mexpiyetliki emes


2005.09.13
Share on WhatsApp
Share on WhatsApp

Xitay da'iriliri uzun yillardin béri dawamlashturup kéliwatqan en'enisini özgertip, buningdin kéyin tebi'iy apetlerde yüz bergen ölüm - yétim weqeliri dölet mexpiyetliki hésaplanmaydighanliqini jakarlidi.

Emma közetküchilerning tekitlishiche, bashqa döletlerde ammiwi ishlargha yatidighan adettiki uchurlar xitayda hazirghiche yenila dölet mexpi'etliki, dep qaralmaqtiken.

Xitay dölet mexpiyetlik idarisi düshenbe küni axbarat élan qilish yighini chaqirip, tebi'iy apetler sewebidin kélip chiqqan ölüm - yétim weqelirining buningdin kéyin dölet mexpiyetliki, dep qaralmaydighanliqini jakarlighan.

Emma amérika awazi radi'osi, xitay da'irilirining 50 we 60 - yillardiki acharchiliqta ölgen adem sanini hazirghiche élan qilmighanliqini ilgiri sürdi. Melumatlargha qarighanda shu yillarda 20 milyon adem ölgen. Toluqsiz melumatlarda Uyghur aptonom rayonining aqsu wilayitidiki bay nahiyiside yüz bergen acharchiliqta 20 ming Uyghur puqrasi ölgen.

Xitayning tebi'iy apetni dölet mexpiyertliki, dep qarash aditi 2002 - yili gu'angdongda partlighan sars késilining dunyagha yamrap kétishini keltürüp chiqarghan. Bu késelde dunya boyiche 800 adem ölgen bolup, ölgenlerning köpchiliki xitaylar idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.