Әгәр хитай демократийигә йол қоймиса, майкрософт ширкити хитайдики кәспини чекинидуруп чиқиду


2006-11-01
Share

Б б с ниң хәвәр қилишичә, йеқинда майкрософт ширкити тәрипидин гиритсийиниң афина шәһиридә ечилған хәлқара интернет йиғинида, мустәбит дөләтләрдә йүз бериватқан алий техникидин пайдилинип, хәлқниң пикир әркинликини чәкләш мәсилиси мәхсус муһакимә қилинған. Йиғинда 'яху', 'гугул' қатарлиқ чоң интернет ширкәтлири хитай һөкүмитиниң интернеттики 'блог' понкитлирини тосувелиш вастисини қоллинип, хәлқниң пикир вә нәшрият әркинликини чәклишигә сүкүт қилди, һәтта униңға ярдәмләшти, дәп тәнқидләнгән.

Муһакимә җәрянида, майкрософт ширкитиниң салаһийәтлик алий мәслиһәтчиси дипсон әпәнди 'һазир хитайда интернет арқилиқ хәлқниң пикир, нәшрият әркинликини чәкләш мәсилиси наһайити еғир, буниңдин кейин әгәр хитай һөкүмити демократийигә йол қоймиса, майкрософт ширкити бу дөләттики кәспини қайтидин ойлишиду, чекиндүрүп чиқиши техиму еһтималға йеқин , дегән. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт