Хитай 18 - сентәбир вәқәсини хатирилиди


2004.09.19
Share on WhatsApp
Share on WhatsApp

Шәнбә күни 18 - сентәбир вәқәсиниң 73 йиллиқи мунасивити билән хитайниң һәр қайси чоң шәһәрлиридә агаһландуруш сигнал челинип, японийәниң хитайға таҗавуз қилғанлиқини хатирилиди.

Шу күни һөкүмәт даирилири бейҗиңда 20 дәк хитай пуқрасиниң японийә әлчиханиси алдида намайиш қилишиға йол қойған. Намайишчилар лозункиларни көтүрүп, японийәниң б д т хәвпсизлик кеңәшигә даимий әза болушиға қарши турди. Хитай һөкүмити 4 йилниң алдида 18 - сентәбирни мәмликәт характерлик дөләт мудапиә тәлим - тәрбийә күни қилип бекиткәнти. Хитай дөләт мудапиә министири сав гаңчвән, дөләт мудапиә тәлим тәрбийә күнини техиму чоңқур қанат яйдурушқа чақирған. Хитай һөкүмәт мәтбуатлири, ” дөләт һалакитиниң ар номусини унтушқа болмайду, дөләт мудапиәмизни күчәйтәйли “ дегән темидики тәшвиқат паалийитини қанат яйдурди.

Хоңкоңда нәччә он киши японийә консулханисиниң алдида йиғилиш өткүзүп, японийә һөкүмитиниң кәчүрүм соришини тәләп қилған. японийә армийиси 1932 - йили 18 - сентәбирдә манҗурийидики хитай қораллиқ күчлиригә һуҗум қозғап, сабиқ манҗу ханлиқиниң вариси әйшинҗүлу фуйини манҗурийә дөлитиниң хақани дәп елан қилған иди. Хитай, 1974 - йили японийә билән дипломатик мунасивәт орнатқанда японийә билән болған тарихтики көңүлсизликләргә хатимә беридиғанлиқини билдүргән. Амма йеқинқи йиллардики хитай иқтисадиниң тәрәққияти, хитайниң сияси, иқтисади вә һәрбий җәһәттики тәсириниң күчийишигә әгишип, хитайда японийигә қарши милләтчилик кәйпияти улғайди. Бу японийини әндишигә селишқа башлиған. японийә һөкүмити йеқинда елан қилған японийиниң бихәтәрлики һәққидики бир доклатида, хитайни япобнийәниң алдидики әң чоң тәһдит дәп көрсәткән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.