Xitay 18 - séntebir weqesini xatirilidi


2004-09-19
Share

Shenbe küni 18 - séntebir weqesining 73 yilliqi munasiwiti bilen xitayning her qaysi chong sheherliride agahlandurush signal chélinip, yaponiyening xitaygha tajawuz qilghanliqini xatirilidi.

Shu küni hökümet da'iriliri béyjingda 20 dek xitay puqrasining yaponiye elchixanisi aldida namayish qilishigha yol qoyghan. Namayishchilar lozunkilarni kötürüp, yaponiyening b d t xewpsizlik kéngeshige da'imiy eza bolushigha qarshi turdi. Xitay hökümiti 4 yilning aldida 18 - séntebirni memliket xaraktérlik dölet mudapi'e telim - terbiye küni qilip békitkenti. Xitay dölet mudapi'e ministiri saw gangchwen, dölet mudapi'e telim terbiye künini téximu chongqur qanat yaydurushqa chaqirghan. Xitay hökümet metbu'atliri, ” dölet halakitining ar nomusini untushqa bolmaydu, dölet mudapi'emizni kücheyteyli “ Dégen témidiki teshwiqat pa'aliyitini qanat yaydurdi.

Xongkongda nechche on kishi yaponiye konsulxanisining aldida yighilish ötküzüp, yaponiye hökümitining kechürüm sorishini telep qilghan. Yaponiye armiyisi 1932 - yili 18 - séntebirde manjuriyidiki xitay qoralliq küchlirige hujum qozghap, sabiq manju xanliqining warisi eyshinjülu fuyini manjuriye dölitining xaqani dep élan qilghan idi. Xitay, 1974 - yili yaponiye bilen diplomatik munasiwet ornatqanda yaponiye bilen bolghan tarixtiki köngülsizliklerge xatime béridighanliqini bildürgen. Amma yéqinqi yillardiki xitay iqtisadining tereqqiyati, xitayning siyasi, iqtisadi we herbiy jehettiki tesirining küchiyishige egiship, xitayda yaponiyige qarshi milletchilik keypiyati ulghaydi. Bu yaponiyini endishige sélishqa bashlighan. Yaponiye hökümiti yéqinda élan qilghan yaponiyining bixeterliki heqqidiki bir doklatida, xitayni yapobniyening aldidiki eng chong tehdit dep körsetken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet