خىتاي ئىككىنچى دۇنيا ئۇرۇشىنىڭ 60 يىللىقى ھارپىسىدا خىتاي مىللەتچىلىكىنى تەرغىپ قىلماقتا


2005.07.19
Share on WhatsApp
Share on WhatsApp

خىتاي كوممۇنىستىك پارتىيىسى ئىككىنچى دۇنيا ئۇرۇشىنىڭ 60 يىللىقى ھارپىسىدا تۈرلۈك پائالىيەتلەرنى ئويۇشتۇرۇش ئارقىلىق خىتاي مىللەتچىلىكىنى ئۇرغۇتۇشقا تىرىشماقتا.

رويتېرس ئاگېنتلىقىنىڭ خەۋىرىگە قارىغاندا، خىتاي كوممۇنىستىك پارتىيىسى ھەر قايسى يەرلىك ئورۇنلارغا بۇيرۇق چۈشۈرۈپ، ئۇلارنىڭ چوقۇم ئىككىنچى دۇنيا ئۇرۇشىنىڭ 60 يىللىقىغا ئاتاپ ھەر خىل پائالىيەتلەرنى ئۇيۇشتۇرۇشى كېرەكلىكىنى بىلدۈرگەن.

خىتاي كوممۇنىستىك پارتىيە مەركىزىي كومىتېتىنىڭ تەشۋىقات مىنىستىرى ليۇ يۈنشەن يەرلىك ھۆكۈمەتلەرنىڭ ۋەتەنپەرۋەرلىك تەربىيىسى ۋە خىتاي مىللەتچىلىك روھىنى ئۇرغۇتۇشقا دەۋەت قىلىشىنى تەلەپ قىلىپ، خىتاي خەلقىنىڭ ۋە خىتاي كوممۇنىستىك پارتىيىسىنىڭ ئۇرۇشتىكى رولىنى تەشۋىق قىلىشقا چاقىرغان.

ليۇ سۆزىدە يەنە، " ۋەتەنپەرۋەرلىك، پۈتۈن خىتاي دۆلىتىنى بىرگە تۇتۇپ تۇرىدىغان ياخشى كۈچ" دەپ بىلدۈرگەن. خىتاي ھۆكۈمىتى يەنە تۈرلۈك ۋاستىلەر بىلەن مىللەتچىلىك ئېڭىنى كۈچەيتىشكە تىرىشىۋاتقان بولۇپ، بۇلارنىڭ ئارىسىدا ئىنتېرنېت خىتاي كوممۇنىستىك پارتىيىسىنىڭ مۇھىم تەشۋىقات قورالىغا ئايلىنىپ قالدى. (پەرىدە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.