Xitay ikkinchi dunya urushining 60 yilliqi harpisida xitay milletchilikini terghip qilmaqta


2005.07.19
Share on WhatsApp
Share on WhatsApp

Xitay kommunistik partiyisi ikkinchi dunya urushining 60 yilliqi harpisida türlük pa'aliyetlerni oyushturush arqiliq xitay milletchilikini urghutushqa tirishmaqta.

Roytérs agéntliqining xewirige qarighanda, xitay kommunistik partiyisi her qaysi yerlik orunlargha buyruq chüshürüp, ularning choqum ikkinchi dunya urushining 60 yilliqigha atap her xil pa'aliyetlerni uyushturushi kéreklikini bildürgen.

Xitay kommunistik partiye merkiziy komitétining teshwiqat ministiri lyu yünshen yerlik hökümetlerning wetenperwerlik terbiyisi we xitay milletchilik rohini urghutushqa dewet qilishini telep qilip, xitay xelqining we xitay kommunistik partiyisining urushtiki rolini teshwiq qilishqa chaqirghan.

Lyu sözide yene, " wetenperwerlik, pütün xitay dölitini birge tutup turidighan yaxshi küch" dep bildürgen. Xitay hökümiti yene türlük wastiler bilen milletchilik éngini kücheytishke tirishiwatqan bolup, bularning arisida intérnét xitay kommunistik partiyisining muhim teshwiqat qoraligha aylinip qaldi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.